Qazaqstan kórshi elderge energetıkalyq táýeldilikten qashan aıyrylady
ALMATY. KAZINFORM – Almatyda «Energetıkalyq jáne kommýnaldyq sektorlardy jańǵyrtý» ulttyq jobasy túsindirildi.
Ulttyq ekonomıka mınıstrligi Tabıǵı monopolııalardy retteý komıtetiniń tóraǵasy Tımýr Qosymbaev ulttyq joba jylý, elektr jáne sýmen jabdyqtaý jelileri men obektilerin, sondaı-aq sý burý júıelerin keshendi jańartýdy kózdeıtinin atap ótti.
Onyń sózinshe, ulttyq jobany iske asyrý apatty jaǵdaılar jáne ınfraqurylymnyń tozý deńgeıin tómendetýge, halyqty sapaly kommýnaldyq qyzmettermen qamtamasyz etýge múmkindik beredi.
Іs-shara barysynda BAQ ókilderi elimiz energııany kórshi elderden ımporttamaı, energetıka sektorynda táýelsiz bolýyna bul joba qanshalyqty áser etetinin surady.
- Ulttyq joba aıasynda eki baǵyt qarastyrylǵan: energetıka sektor jáne kommýnaldyq sektor. Onyń ishinde energetıka sektoryna 6,2 trln teńge ınvestıtsııa tartylady, 15 jańa joba júzege asyrylady jáne qazir jumys istep turǵan 14 stantsııa jańǵyrtylady. Barlyq jumys aıaqtalǵannan keıin 2030 jylǵa qaraı 14 megavatt qosymsha elektr energııa paıda bolady. Bul bizdi energetıkalyq táýelsizdikke ákeledi dep boljap otyrmyz, - dedi Tımýr Qosymbaev.
Eske salaıyq, buǵan deıin «Energetıkalyq jáne kommýnaldyq sektorlardy jańǵyrtý» ulttyq jobasyn talqylaý kezinde Úkimet basshysynyń orynbasary Qanat Bozymbaev jobany júzege asyrý úshin 13 trln teńge qajet ekenin aıtty.