Qazaqstan kórshi elden elektr energııasynyń ımportyn qashan toqtatady
ASTANA. KAZINFORM — Energetıka vıtse-mınıstri Suńǵat Esimhanov elektr energııasy tapshylyǵy máselesi qashan sheshiletinin aıtty.
- 2025 jyly 123,1 mlrd kVt/saǵat elektr energııasyn óndirdik, al tutynylǵan energııa 124,6 mlrd kVt/saǵatty qurady, ıaǵnı aıyrmashylyq, - 1,5 mlrd kVt/saǵat. Máselen, 2024 jyly bul kórsetkish 2,1 mlrd kVt/saǵat deńgeıinde boldy. Bul kórsetkish azaıyp keledi, - dedi S. Esimhanov Úkimet otyrysynan keıingi baspasóz máslıhatynda.
Onyń aıtýynsha, eger barlyq josparlanǵan nysandar jyldyń aıaǵyna deıin nemese kelesi jyldyń basyna deıin iske qosylsa, onda 2027 jyly bul baǵytta ońtaıly ózgerister baıqalady. Osy oraıda bıyl óndirilgen energııa men jaǵylǵan energııa arasyndaǵy aıyrmashylyq taǵy da azaıady.
- Aıta keteıik, biz elektr energııasyn satyp alýmen qatar, ońtústik oblystardy sýmen qamtamasyz etý úshin Qyrǵyzstanǵa da eksporttaımyz. Sondyqtan 2027 jyly bul máseleni (energııa ımportyn) tolyqtaı jabýdy josparlap otyrmyz, - dedi vıtse-mınıstr.
Budan buryn habarlanǵandaı, búgin Úkimet otyrysynda Premer-mınıstri Oljas Bektenov energetıka salasyna qatysty birqatar tapsyrma berdi.
https://kaz.inform.kz/news/energiya-nisandari-pasporttarinin-dayindigina-onr-akmder-tkeley-zhauap-bered-ukm-9bb109ac
