Qazaqstan koronavırýstyń yqtımal ekinshi tolqynyna daıyndalyp jatyr
«Qazir Qazaqstanda koronavırýs ınfektsııasy jaǵdaıy qalypty. Aýrý juqtyrý men ólim-jitim sanynyń negizgi kórsetkishteri tómendep jatqanyn baıqaýǵa bolady. Osyǵan qaramastan, biz kórshilerimizdi, álem elderin baqylap otyrmyz. Qazir Eýropa aımaǵynda, Italııa, Ispanııa, Germanııa, Túrkııa jáne Ońtústik Koreıada aýrý sany kúrt ósti. Bul rette TMD elderindegi aýrý kólemi 0,5 paıyzdy kórsetti, bul Qazaqstandaǵy kórsetkishten 5 esege kóp. Bul másele alańdatpaı qoımaıdy. Qazaqstan da ózge elder sekildi koronavırýs ınfektsııasynyń bolýy yqtımal ekinshi tolqynyna daıyndalyp jatyr», - dedi mınıstr Ortalyq kommýnıkatsııalar qyzmetindegi onlaın brıfıngte.
Mınıstr respýblıka boıynsha 71 126 tósek-oryn daıyndaý josparlanǵanyn, qazirgi ýaqytta – 10 257 tósek-oryn bar ekenin jetkizdi.
«Tósek-oryn qorynyń 15% naýqastar jatyr, olar koronavırýs nemese koronavırýs pnevmonııasymen aýyryp jatyr. Onyń ústine 13 modýldi juqpaly aýrý aýrýhanalaryn salýdy josparladyq. Eki iri klınıkada qaıta óńdeý jumystary júrýde. Emhanalar deńgeıindegi 3640 kóshpeli brıgada uıymdastyryldy. 5098 ókpeni jasandy jeldetý apparaty jetkizildi. 21 566 tósek-oryn ottegimen qamtamasyz etildi», - dep túsindirdi A. Tsoı.
Buǵan deıin mınıstr mektep oqýshylaryn birinshi toqsanda qashyqtan oqytýdy usynǵan edi.
«Birinshi karantınde mektepke deıingi uıymdarda kezekshi toptar ashýymyz sátsiz tájirıbe boldy, onda koronavırýs ınfektsııasy tirkelip, jabylyp jatty. ıAǵnı, biz úshin elimizdegi qazirgi aýrýdyń tómendeý qarqynyn ustap turý mańyzdy. Balalar arasynda aýrýdy taratyp almaý kerek. Qashyqtan oqytý sharasy ýaqytsha ekenin taǵy da aıta keteıin», - dedi Alekseı Tsoı.