Qazaqstan koronavırýstyń taralýyn tómendetýde álem elderiniń ishinde 92-orynda tur
2021 jyldyń qańtar-jeltoqsanynda densaýlyq saqtaýǵa arnalǵan memleket bıýdjetiniń shyǵystary bir jyl ishinde 15,5 paıyzǵa artyp, 2,3 trln teńgege deıin jetti. Degenmen, osy jyldyń 1-toqsanynda sektordaǵy shyǵystar 518,1 mlrd teńgeni qurady. Osy jyldyń 1-toqsanynda eldiń jalpy ishki ónimindegi densaýlyq saqtaý salasyna baǵyttalǵan memlekettik bıýdjet shyǵystarynyń úlesi 2,8 paıyz boldy. Al 2021 jyly 2,7 paıyz edi.
Sondaı-aq ótken jyldyń 12 aıynda densaýlyq saqtaý salasynda kórsetilgen qyzmetterdiń kólemi jyl ishinde 53,2 paıyzǵa artyp, 2,7 trln teńgege jetti. Qyzmetterdiń basym bóligi bıýdjet esebinen kórsetildi: 2,1 trln teńge, jyl ishinde +50,6 paıyz boldy.
Óńirler arasynda qyzmettiń basym bóligi Almaty qalasynda (469 mlrd teńgege) kórsetildi. Bul kórsetkish bir jyl burynǵy derekten 60,4 paıyzǵa artyq. Úzdik úshtikter qatarynda astana (467,6 mlrd teńge) men Almaty oblysy (184,1 mlrd teńge) bar. Al eń az qyzmet Soltústik Qazaqstan oblysynda kórsetilgen: 66,1 mlrd teńge, jyl ishinde +31,7 paıyz.
2022 jyl sáýiriniń qorytyndysynda ambýlatorlyq qyzmetter quny aı ishinde 2,2 paıyzǵa, jyl basynan beri 8,4 paıyzǵa, al jyl ishinde 11,9 paıyzǵa ósti. Aılyq dınamıkada maman-dárigerlerdiń ambýlatorııalardaǵy qyzmeti - 0,7 paıyzǵa, medıtsınalyq zerthanalar men rentgen kabınetteriniń qyzmeti - 1 paıyzǵa, dárigerlerdiń alǵashqy qabyldaýy – 2,1 paıyzǵa, stomatologııalyq qyzmetter 3,7 paıyzǵa qymbattady. Jyldyq dınamıkada medıtsınalyq zerthanalar men rentgen kabınetteriniń qyzmeti – 9,6 paıyzǵa, dárigerlerdiń alǵashqy qabyldaýy – 14 paıyzǵa, stomatologııalyq qyzmetter - 11,6 paıyzǵa, maman-dárigerlerdiń ambýlatorııalardaǵy qyzmeti 12,9 paıyzǵa kóterildi.
COVID-19 pandemııasy kezinde elimizdiń densaýlyq saqtaý júıesi birqatar teris faktorlarmen betpe-bet keldi. Osydan keıin epıdemıologııalyq boljaý jáne qarsy áreket etýdiń zamanaýı júıesin qalyptastyrýǵa baǵyttalǵan jumystar kúsheıtildi.
2021 jyly álem elderiniń epıdemııaǵa qarsy shuǵyl áreket etý jáne taralýyn tejeý reıtınginde Qazaqstan 195 memlekettiń ishinde 92-orynǵa turaqtady. Elimizdiń ındeksi 100 baldyń ishinde ne bári 36,5 baldy jınaı aldy. Armenııa, Reseı jáne Belarýstaǵy jaǵdaı Qazaqstanǵa qaraǵanda birshama jaqsy. Al Moldova, Qyrǵyzstan, Ázerbaıjan, Tájikstan, Ózbekstan, Ýkraına jáne Túrikmenstandaǵy ahýal aıtarlyqtaı tómen. Reıtıngte Fınlıandııa, Taıland jáne AQSh kósh bastasa, eń sońǵy orynda Soltústik Koreıa tur.
