Qazaqstan koronavırýsty emdeýde gıdroksıhlorohındi qoldanýdy toqtatty

NUR-SULTAN. QazAqparat – Sapa jónindegi birlesken komıssııanyń kezekti otyrysynda COVID-19 koronavırýs ınfektsııasynyń dıagnostıkasy men emdeýine qatysty klınıkalyq hattamaǵa ózgerister engizildi, dep habarlaıdy QazAqparat.

Bul týraly QR Densaýlyq saqtaý vıtse-mınıstri Lıýdmıla Bıýrabekova Facebook -tegi paraqshasynda jazdy.

Hattamanyń jańa redaktsııasyndaǵy ózgerister:

Eki qosymsha qosyldy – COVID-19 pnevmonııasymen aýyrǵandardy ınfektsııalyq statsıonardan shyǵarǵan soń patsıentterdi baqylaý algorıtmi jáne COVID-19 naýqastarynda kóktamyr tromboembolııasyn dıagnostıkalaý jáne emdeý.

Sondaı-aq, PTR testileý merzimi men sany, emdik terapııa (onyń ishinde jańa zertteýler alynǵansha gıdroksıhlorohın qoldaný toqtatyldy) ózgertildi. Sımptomsyz formasyn emdeý taktıkasy ózgertildi (úı karantınine alý). Rekonvalestsentterdi statsıonardan shyǵarǵan soń emdeý jáne baqylaý.

Eske sala ketsek, Dúnıejúzilik densaýlyq saqtaý uıymy gıdroksıhlorohın men hlorohındi COVID-19 vırýsyn emdeıtin dári retinde klınıkalyq synaýdy toqtatqan bolatyn.