Qazaqstan koronavırýsqa qarsy qandaı vaktsınalar satyp alady

NUR-SULTAN. QazAqparat – Bul Úkimet otyrysynda QR Densaýlyq saqtaý mınıstri Alekseı Tsoı koronavırýsqa qarsy qandaı vaktsınalar satyp alynatyndyǵyn aıtty, dep habarlaıdy QazAqparat tilshisi.

«Qazirdiń ózinde Dúnıejúzilik densaýlyq saqtaý uıymynda birkelgen birqatar vaktsınany satyp alǵanymyzdy atap ótken jón. Olar: Qytaıdyń Sinovac kompanııasy óndirgen CoronaVac, Sinopharm kompanııasy óndirgen VeroCell vaktsınalary. Buǵan qosa, Pfizer-BioNTech vaktsınasyn jetkizý josparlanyp otyr», - dedi Alekseı Tsoı.

Mınıstrdiń atap ótýinshe, qazirgi ýaqytta tasymaldaýǵa, jetkizý kestesine jáne kelisimshartqa qol qoıýǵa qatysty máseleler pysyqtalyp jatyr.

«Buǵan qosa, Ulttyq profılaktıkalyq ekpe kúntizbesine sáıkes, vaktsınamen basqarylatyn aýrýlardan halyqty ımmýnızatsııalaý boıynsha turaqty jumys júrgizilip jatyr», - dedi ol.

Eske salsaq, 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.