Qazaqstan koronavırýs vaktsınasyn jetkizý úshin áleýetti óndirýshilermen jumys júrgizip jatyr
«Mınıstrlik jergilikti atqarýshy organdarmen birlesip, aýrý órshigen jaǵdaıda halyqtyń medıtsınalyq kómekke qoljetimdiligin qamtamasyz etýge baǵyttalǵan birqatar sharany júzege asyryp jatyr. Halyqtyń álsiz toptaryn vaktsınatsııalaý úshin tumaýǵa qarsy 2,2 mln doza vaktsına satyp alyndy. Vaktsınatsııalaý 15 qyrkúıekte bastalyp, búgingi kúni 1,5 mln-nan astam adam egildi. Eldiń COVID-19-ǵa qarsy vaktsınaǵa qajettiligin qamtamasyz etý úshin áleýetti óndirýshilermen jumys júrgizilip jatyr. Vaktsınatsııalaýǵa jatatyn halyqtyń aldyn ala sany 2,8 mln adamdy nemese turǵyndardyń 15 paıyzyn quraıdy», - dedi mınıstr Aqordada Memleket basshysy Qasym-Jomart Toqaevtyń tóraǵalyǵymen ótken keńeste .
Sonymen qatar ol karantın sharalarynyń oryndalýyn baqylaý jumystary júrgizilip jatqanyn aıtty.
«Monıtorıng tobynyń jumysy barysynda 17 tamyzdan beri 14 812 reıd júrgizilip, 5 147 nysanda karantın rejımin buzý anyqtaldy. Karantın rejımin negizgi buzýshylyqtar – bul adamdar kóp jınalatyn sharalar ótkizý, maska rejımin buzý, áleýmettik araqashyqtyq saqtamaý jáne antıseptıikterdiń bolmaýy. Karantın rejımin buzýshylarǵa jalpy somasy 300 mln teńgeden asatyn 5160-tan astam ákimshilik aıyppul salyndy», - dedi Alekseı Tsoı.