Qazaqstan ártistik júzýden jasóspirimder arasyndaǵy álem chempıonatynda ekinshi medalin jeńip aldy
ASTANA. KAZINFORM — Qazaqstannyń ártistik júzýden ulttyq quramasy Vengrııanyń Býdapesht qalasynda ótip jatqan jasóspirimder arasyndaǵy álem chempıonatynda ekinshi júldege ıe boldy.
Kúmis júldeni ıAsmına Islamova men Aldııar Ramazanov jeńip aldy.
Sportshylar aralas juptar arasyndaǵy erkin baǵdarlamada óner kórsetip, 248,1058 upaı jınady.
Birinshi oryndy 263,2992 upaımen Ispanııa dýeti ıelendi. Japonııa quramasy 246,9850 upaımen úshinshi orynǵa turaqtady.
Aıta keteıik, buǵan deıin álem chempıonatynda Vıktor Drýzın tehnıkalyq baǵdarlamada úshinshi oryn edi.
Eske salaıyq, buǵan deıin Aqmaral Erekesheva kórkem gımnastıkadan álem chempıonatynda altynshy oryn alǵanyn jazǵanbyz.
