Qazaqstan Qorǵanys mınıstrligi sybaılas jemqorlyqqa qarsy tıimdi sharalar qabyldaýda
Bul týraly QR Qorǵanys mınıstrliginiń baspasóz qyzmetinen habarlady.
2013 jyldyń basynan beri qorǵanys vedomstvosynda Memleket basshysy - QR QK Joǵarǵy Bas qolbasshysynyń bastamasymen jasalǵan sybaılas jemqorlyqqa qarsy strategııalyq jospar sheńberinde úlken jumystar atqaryldy.
Ol jóninde Qorǵanys mınıstriniń orynbasary general-maıor B. Maıkeev: «Qorǵanys mınıstrligi áskerlerde sybaılas jemqorlyqqa qarsy baǵyttalǵan barlyq sharalardy qabyldaýda. Komıssııa áskerı ortada sybaılas jemqorlyq kórinisterin azaıtýǵa múmkindik beretin QR Qarýly Kúshterindegi sybaılas jemqorlyqqa qarsy zańnamanyń oryndalýy boıynsha budan da tıimdi jumys isteýi kerek. Komandırler jeke quramǵa osy problemanyń múmkin bolatyn naqty zardaptaryn jetkizip, áskerı qyzmetshilerdiń quqyqtyq mádenıeti men sybaılas jemqorlyqqa qarsy kózqarasyn qalyptastyrýy kerek», - dep atap ótti.
Qazaqstan Respýblıkasy Bas prokýratýrasynyń málimetteri boıynsha, 2013 jyldyń 8 aıynda Qarýly Kúshterde 16 sybaılas jemqorlyq qylmys jasalǵan (Anyqtama: 2013 jyldyń 8 aıynda respýblıkada 1452 sybaılas jemqorlyq qylmys tirkelgen). Jalpyrespýblıkalyq statıstıkaǵa júginsek, áskerlerde 8 aı ishinde jasalǵan sybaılas jemqorlyq qylmystar ótken jyldyń osy kezeńimen salystyrǵanda, armııanyń jaýyngerlik qabiletine keri áser etetin júıeli sıpaty joq ekendigin dáleldeıdi.
Keńeske qatysýshylar 2014 jylǵa arnalǵan Qarýly Kúshterde sybaılas jemqorlyqqa qarsy jumystardyń tıimdiligin arttyrý jónindegi negizgi is-sharalar josparyn talqylady. Bul qujat jaýapty laýazymdarǵa qabyldanar aldynda mindettemeler qabyldaı otyryp, aıryqsha joǵary talapty bekitetin laýazymdar tizimin ulǵaıtatyn bolady.
Josparda sybaılas jemqorlyqqa qarsy zańnamanyń saqtalýy úshin arnaıy tekserýdi júrgizetin mehanızmder de qarastyrylǵan. Bul rette osyndaı tekseristen ótpegen tulǵalar áskerı qyzmetten shyǵarylatyn bolady.
«Komıssııanyń sybaılas jemqorlyqqa qarsy júrgizgen is-sharalary tek jazalaýmen ǵana shektelmek emes, áskerlerde jemqorlyqqa qarsy turý mehanızmderin jasaý bolyp tabylady. Áskerı qyzmetshiler áskerı qyzmetterin laıyqty jaǵdaıda ótkerý kerek. Biz búgin Qarýly Kúshterdiń bedeline nuqsan keltiretin sybaılas jemqorlyqqa qarsy zańnamanyń oryndalýyna baılanysty máselelerdi egjeı-tegjeıli talqyladyq. Qorǵanys mınıstrliginiń basshylyǵy qabyldaǵan áskerlerdegi sybaılas jemqorlyqqa qarsy is-sharalar týraly árbir áskerı qyzmetshige jetkizip otyrýymyz kerek», - dedi Qorǵanys mınıstriniń orynbasary general-maıor B. Maıkeev.