Qazaqstan Qorǵanys mınıstriniń orynbasary AQSh-tyń joǵary nagradasymen marapattaldy
ASTANA. Sáýirdiń 5-i. QazAqparat - Amerıka Qurama Shtattarynyń Prezıdenti Qazaqstan Respýblıkasy Qorǵanys mınıstriniń orynbasary Bolat Sembınovty «Qurmetti legıon» medalimen marapattady, al nagradany oǵan AQSh Ortalyq qolbasshylyǵynyń basshysy general Devıd Petreýs bizdiń qorǵanys vedomstvosynyń basshysy Ádilbek Jaqsybekovpen kezdesýi barysynda tabys etti,
dep habarlaıdy QR QM baspasóz qyzmeti.
«Siz AQSh Ortalyq qolbasshylyǵynyń operatsııalaryn qoldaýǵa aıtarlyqtaı eńbek sińirdińiz. Siz Qazaqstan úlesi úshin, onyń Qarýly Kúshteriniń «Qajymas erkindik» jáne «Irakqa bostandyq» operatsııalaryndaǵy is-qımylyna úles qostyńyz», - dep atap kórsetti general Devıd Petreýs. - AQSh Qorǵanys mınıstri Robert Geıts atap ótkendeı, Irak pen Aýǵanstannyń shekteýli áskerleri qatysýymen ótken strategııalardy, josparlar men sheteldik operatsııalardy jasap, júzege asyrýda sizderdiń saıası jáne áskerı kásibıligińizdiń mańyzy erekshe boldy. Bul - AQSh-tyń joǵary nagradasy jáne Siz soǵan laıyqtysyz».
General-leıtenant Bolat Sembınov óz kezeginde alǵys sezimin bildirip, bul joǵary nagradany tapsyrý - Qazaqstan men AQSh úshin ortaq qaýipterdi, eń aldymen - halyqaralyq lańkestikpen kúrestegi bizdiń ofıtserlerdiń, soldattarymyzdyń úlesi, al bizderdiń áskerı qyzmetshilerimizdi uıystyrǵan dostyq, bul - dostas armııalardyń tarıhy ispettes, dep aıryqsha atap ótti.
