Qazaqstan Qorǵanys mınıstrliginiń kýrsanttary Armenııada referendýmda daýys berdi
ASTANA. KAZINFORM – Armenııa astanasynda Qazaqstan Respýblıkasynyń Konstıtýtsııasyna túzetýler engizý boıynsha jalpyulttyq referendýmda daýys berý júrip jatyr, dep habarlaıdy Kazinform agenttiginiń Erevandaǵy menshikti tilshisi.
Erevandaǵy Qazaqstan dıplomatııalyq ókildiginde ornalasqan № 439 saılaý ýchaskesi jergilikti ýaqyt boıynsha tańǵy saǵat 7:00-den keshki saǵat 20:00-ge deıin jumys isteıdi. Atalǵan ýchaskedegi saılaýshylar tizimine Armenııada ýaqytsha nemese turaqty turatyn Qazaqstan Respýblıkasynyń 86 azamaty engizilgen.
Jergilikti ýaqytpen saǵat 10:00-degi jaǵdaı boıynsha daýys berýge Qazaqstannyń jeti azamaty qatysty.
Ýchaskede alǵashqylardyń biri bolyp daýys bergender qatarynda Mhıtar Geratsı atyndaǵy Erevan memlekettik medıtsınalyq ýnıversıtetinde bilim alyp júrgen QR Qorǵanys mınıstrliginiń kýrsanttary boldy. Daýys berýge barlyǵy tórt kýrsant qatysty.
Saılaý komıssııasy ókilderi atap ótkendeı, daýys berý shtattyq rejımde jáne barlyq qajetti prsáıkes protsedýralar saqtalyp ótip jatyr.
Aıta ketelik, álemniń 40-tan astam elinde referendým ýchaskeleri jumys istep jatyr.
Osyǵan deıin Túrkııada qazaqstandyqtar referendýmǵa qatysyp jatqanyn jazdyq.
Memleket basshysy referendýmda daýys bergennen keıin BAQ ókilderi úshin ótkizgen brıfıngide Jańa Konstıtýtsııa jastarǵa arnalatynyn málimdedi.