«Qazaqstan» korabliniń ekıpajy, sondaı-aq teńizshilerdiń analary men áıelderi marapattaldy (FOTO)
Jaýyngerlik jáne memlekettik-quqyqtyq daıarlyqtaǵy joǵary kórsetkishteri, sondaı-aq ózderiniń fýnktsıonaldyq mindetterin úlgili oryndaǵany úshin birqatar áskerı qyzmetshi vympeldermen, gramotalar jáne baǵaly syılyqtarmen marapattaldy, dep habarlady QR Qorǵanys mınıstrliginiń baspasóz qyzmeti.
Korabl komandıri kapıtan-leıtenant Baýyrjan Muratuly «Qazaqstan» zymyran-artıllerııalyq korabli aldynda qoıylǵan 2015 jylǵa arnalǵan jaýyngerlik daıarlyq josparyna sáıkes barlyq tapsyrmalar oryndalǵanyn jáne QR Qarýly Kúshteriniń Áskerı-teńiz bazasy men Áskerı-teńiz kúshteri qolbasshylyǵynyń tarapynan joǵary baǵaǵa laıyqty ekenin atap ótti. Sońynda áskerı teńizshilerdiń analary, jubaılary men otbasy músheleri marapattaldy. Olarǵa korabl komandırinen alǵys hattar, sondaı-aq vympeldar, belgiler jáne korabldiń naqyshy bar estelik kádesyılar tabys etildi. Bul sharaǵa oraı, áskerı qyzmetshiler merekelik kontsert jáne túski as uıymdastyrdy.
Jaýyngerlik oqý sheńberinde 2015 jyly «Qazaqstan» zymyran-artıllerııalyq korabliniń ekıpajy ortaq nıetpen birikken oqý-jaýyngerlik tapsyrmalardyń tutas keshenin, áýe shabýylyna qarsy jáne katerge qarsy qorǵanys boıynsha ondaǵan oqý-jattyǵýdy, júzdegen korabldik oqý-jattyǵý men jattyqtyrýdy, sondaı-aq zymyran jáne artıllerııalyq oq atýlardy, teńizge tútindi shymyldyqty (búrkemeni) shyǵarýdy, atys qarýynan oq atýdy jáne taǵy basqany oryndaǵanyn aıta ketken jón.
Áskerı teńizshiler shamamen jaýyngerlik daıarlyqtyń 20 synaǵynan múdirmeı ótti, bul rette onyń ishindegi 18-i qarýdy is júzinde qoldana otyryp ótti. 2015 oqý jylynda korablderdiń teńizge shyǵýy anaǵurlym ulǵaıdy, shamamen 7 000-ǵa jýyq mılıa eńserildi (bul degenimiz shamamen 14 000 shaqyrym), Jaýyngerlik jáne teńiz daǵdysyn jetildirý, jaýyngerlik daıarlyqtyń josparly is-sharalaryn oryndaýdan basqa, korabldiń ekıpajy 2015 oqý jylynda Kaspıı teńizindegi QR QK Áskerı-teńiz kúshteriniń jaýapkershilik aımaqtarynda memlekettiń qaýipsizdigin qamtamasyz etý jónindegi tapsyrmalardy sátti sheshti.