Qazaqstan qor naryǵy jańa kompanııalardyń ІRO-ǵa shyǵýyn qamtamasyz etýi kerek - Ulttyq bank tóraǵasynyń orynbasary
ALMATY. 27 qyrkúıek. QazAqparat /Erlik Erjanuly/ - Qazaqstannyń retteýshi organdary úshin qor naryǵyn damytý basym baǵyttardyń biri.
Ulttyq bank tóraǵasynyń orynbasary Danııar Aqyshev búgin Almatyda ótip jatqan Korporatıvtik basqarý jáne qor naryǵyn damytý máseleleri jónindegi Eýrazııalyq toptyń 1-májilisinde osyndaı pikir bildirdi.
"Úkimettiń bul baǵyttaǵy negizgi sharalaryndaǵy biri - memlekettik "Halyqtyq ІRO baǵdarlamasy". Onyń maqsaty - memlekettik kompanııalardyń aktsııalaryn otandyq qor naryǵynda halyqtyń túrli toptary men ulttyq ınvestorlar arasynda ornalastyrý. Buǵan deıin ІRO sońǵy ret 2006 jyly jasalǵan bolatyn", - deıdi D.Aqyshev. Onyń aıtýynsha, halyqtyq ІRO baǵdarlamasy arqyly jeke ınvestorlar men zeınetaqy qorlarynan ınvestıtsııa tartýǵa qolaıly múmkindik bar. Qazirgi tańda qor naryǵynyń negizgi máselesi sapaly qarjylyq quraldardyń jetkiliksizdigi men ótimdiliktiń shekteýligi bolyp otyr. Ulttyq bank halyqtyq ІRO baǵdarlamasy qor naryǵyn odan ary damytýǵa myqty serpin beredi dep úmittenedi. Ol kóptegen emıtentter úshin tartymdy saýda alańy bolmaq.
