«Qazaqstan qor bırjasynyń» jetekshi sarapshylary munaıly astanaǵa keldi
ATYRAÝ. QazAqparat - «Qazaqstan qor bırjasynyń» jetekshi sarapshylary munaıly astanaǵa kelip, Atyraý oblysynyń kásipkerler palatasy ǵımaratynda jergilikti kompanııa basshylarymen kezdesý ótkizdi. Basqosýdyń maqsaty - otandyq qor bırjasyna («KASE») qarjylandyrýdy tartý múmkindikterimen tanystyrý boldy, dep habarlady «Atyraý» gazeti.
«Qazaqstan qor bırjasy» AQ basqarma múshesi, bıznesti damytý jónindegi basqarýshy dırektory Qaırat Turmaǵambetov qor naryǵy arqyly qarjylandyrý quraldary jaıly aqparatpen bólisti. Onyń aıtýynsha, bul kompanııalardyń damýy jáne bolashaq josparlaryn júzege asyrýy úshin kapıtalyn arttyrýǵa múmkindik beredi, sonymen birge, mekemeniń ımıdjin, tutynýshylary men seriktesteri arasyndaǵy ustanymdaryn jaqsartady. Sonymen qatar, satyp alýshylar men satýshylar úshin qaryzdy qaıta qurylymdaýda, qarjylandyrýda, ınfraqurylymdyq jobalar úshin qarjy tartýda, bıznes-jospar qurýda, jeke menshik kapıtalmen mámile jasasýda, operatsııanyń barynsha tabysty bolýyn qamtamasyz etý maqsatynda aktıvterdi satýǵa daıyndyqty baǵalaýda keshendi qyzmetter kórsetýge qor qolushyn bermek. Al, Atyraý qalasyndaǵy «Freedom Finance» AQ fılıalynyń dırektory Rýslan Gılızıtdınov «Bast» AQ kompanııasyn ІRO-ǵa qalaı shyǵarǵandary, fýnktsııalary men shaǵyn jáne orta bıznestiń ІRO-ǵa qatysýynyń basymdylyqtary jóninde keńinen aıtyp berdi.
