Qazaqstan qor bırjasynyń ındeksi 2 jylda 2,5 ese artty
Onyń aıtýynsha, sońǵy 3 jylda bırjanyń aktsııalar naryǵy men qaryzdyq qundy qaǵazdar naryǵyn kapıtaldandyrý 16 paıyzǵa ósip, 25 trln teńgege jetti.
«Ulttyq bank bul oraıda retteý quraldaryn barynsha lıberalızatsııalady. Jyl basynan beri Ortalyq depozıtarıı men Qundy qaǵazdardy biryńǵaı tirkeý orny biriktiriledi. Bul uıym eldegi eń biregeı uıymǵa aınalady. Oǵan álemde balama joq dese de bolady», - dedi bas bankır.
Onyń aıtýynsha, qazir emıtentterge qatysty baqylaý fýnktsııalary qysqardy. Qundy qaǵazdardy shyǵarý men ornalastyrý boıynsha ruqsat protsedýralary qysqartyldy.
Osyǵan qaramastan atalǵan salada áli de jetildirýdi talap etetin túıtkilder barshylyq.
Eń aldymen bırjany bıznesti qorlandyrýdyń naqty quralyna aınaldyrý máselesi tur.
«Biz erteń bolatyn bırja forýmynda osy baǵyttaǵy kúrdeli máselelerdi anyqtap sheshý joldaryn qarastyrmaqpyz», - dedi QR Ulttyq bankiniń basshysy.
Aıta ketý kerek, búgin Almatyda Qazaqstan qarjygerleriniń VIII kongresi bastaldy. Mańyzdy jıyn tól teńgemizdiń dúnıege kelgenine 25 jyl tolýyna oraı uıymdastyrylyp otyr