Qazaqstan qor bırjasynda dollar boıynsha keshki saýda-sattyq júrgizilmeıtin boldy

ASTANA. QazAqparat - Qazaqstan qor bırjasy (KASE) basqarmasynyń 2015 jyldyń 10 qarashasyndaǵy sheshimimen Qazaqstan qor bırjasynda 2015 jyldyń 10 qarashasynan bastap eseptesýi TOM jáne SPOT shet eldik valıýtalarymen saýda-sattyq júrgizý reglamenti ózgerdi, dep habarlaıdy kase.kz.

Atalmysh quraldarmen saýda-sattyq Almaty ýaqytymen saǵat 11.30-dan 15.30-ǵa deıin kúndizgi sessııa aıasynda júrgiziledi: eseptesýi T+1 teńgemen AQSh dollary boıynsha (USDKZT_TOM), eseptesýi T+1 teńgemen eýro boıynsha (EURKZT_TOM), eseptesýi T+1 AQSh dollarymen eýro boıynsha (EURUSD_TOM), eseptesýi T+2 teńgemen AQSh dollary boıynsha (USDKZT_SPT), eseptesýi T+2 teńgemen eýro boıynsha (EURKZT_SPT), eseptesýi T+2 AQSh dollarymen eýro boıynsha (EURUSD_SPT).

Tıisti ózgertýler KASE ishki qujaty "Saýda-sattyq jáne Rastaý júıesiniń jumys Reglamentine" engiziledi, ol týraly qosymsha habarlanady.