Qazaqstan qor bırjasynda aktsııalar saýdasy 15%-ǵa ósti

ALMATY. KAZINFORM — KASE 2025 jyldyń qorytyndysy boıynsha bırja naryǵy jumysynyń nátıjesin jarııalady.

KASE málimetinshe, 2025 jyly Qazaqstan qor bırjasyndaǵy aktsııalar saýdasynyń kólemi 2024 jylmen salystyrǵanda 14,7%-ǵa artyp, 342,1 mlrd teńgege jetti. Al aktsııa naryǵynyń kapıtaldandyrylýy byltyr 18,7%-ǵa ósip, 39 trln teńge boldy.

— 2025 jyldyń qorytyndysy boıynsha KASE ındeksi 26,1% artyp, 7 031,32 tarmaq boldy. 2026 jyldyń 1 qańtaryndaǵy jaǵdaı boıynsha KASE-niń saýda-sattyq tiziminde 280 emıtenttiń 939 ataýdaǵy memlekettik emes baǵaly qaǵazdary boldy, — dep habarlady qor bırjasynan.

Sonymen qatar bastapqy naryqtaǵy ınvestorlardyń belsendiligi kelesideı bolǵan:

— Instıtýtsıonaldyq ınvestorlar — 72,6%;

— Jeke tulǵalar — 14,3%;

— Brokerlik-dılerlik uıymdar — 12,9%;

— Ózge zańdy tulǵalar — 0,1%;

— Rezıdent emes qatysýshylar — 1,4%.

Qaıtalama naryqtaǵy saýda-sattyq kólemi 22,9%-ǵa nemese 56,9 mlrd teńgege artyp, 305,6 mlrd teńgege jetti.

Eske salaıyq, buǵan deıin Qazaqstan qor bırjasynyń (KASE) basqarma tóraǵasy Ádil Muhamedjanov ınflıatsııanyń ósýine áser etken negizgi sebepterdi atady.