Qazaqstan kóptegen bastamalarymen ózge elderge úlgi – sportshy Vladımır Kress
NUR-SULTAN. QazAqparat – «Qazhrom» TUK» AQ-ǵa qarasty «Aqsý ferrokorytpalar zaýyty» AQ-nyń sporttyq-tynyǵý kesheni bólimshesi bastyǵynyń mindetin atqarýshy Vladımır Kress 1 naýryz – Alǵys aıtý kúnine oraı pikirimen bólisti, dep habarlaıdy QazAqparat tilshisi.
«Bul - óte jaqsy ári qajetti mereke. Bizde mundaı merekeniń bolǵanyna qýanyshtym. Adamdar merekege belsene qatysyp, kómekke muqtaj jandarǵa qol ushyn sozýǵa úndep jatady. Bul tamasha ári pozıtıvti baǵyt. Sondyqtan bul barlyǵyna da kerek. Ár adam barlyq ýaqytta jaqyndaryna kómek kórsetip, bul iske jan-tánimen aralasýy tıis dep esepteımin. Qazaqstan kóptegen bastamalary arqyly álemniń ózge de elderine úlgi bolyp otyr. Elimizge órkendeý men beıbit ómir tileımin», - dedi ol agenttik tilshisine bergen suhbaty barysynda.
Osy rette ol Alǵys aıtý kúnine QR Tuńǵysh Prezıdenti – Elbasy Nursultan Nazarbaev bastamashylyq jasaǵandyǵyn basa aıtty.
«Qazaqstan úshin Elbasy óte kóp is atqardy. Qudaı qalasa, áli de atqara beredi. Biz Tuńǵysh Prezıdentimizdiń saıasatyna qoldaý bildiremiz. Bári de jaqsy bolady dep oılaımyn. Sportshy retinde elimizde buqaralyq sportty damytýǵa zor basymdyq berilip otyrǵandyǵyn aıtqym keledi. Bul baǵytta túrli baǵdarlamalar júzege asyrylyp, balalar sportqa belsendi túrde tartylyp jatyr. Keleshekte sol balalar Qazaqstanda ǵana emes, halyqaralyq arenadada elimizdiń atyn shyǵarady dep oılaımyn», - dedi Vladımır Kress.
Foto: kasipodaq.kz
