Qazaqstan konsýly Batýmıde qonaq úıden shyǵarylǵan qazaqstandyqtar máselesin baqylaýǵa aldy

ASTANA. QazAqparat - QR Syrtqy ister mınıstrligi Grýzııanyń Batýmı qalasyndaǵy qymbat qonaq úıden shyǵarylǵan qazaqstandyqtar jóninde pikir bildirdi.

Buǵan deıin Grýzııanyń Batýmı qalasyndaǵy qymbat qonaq úıden shuǵyl túrde shyǵarylǵan týrıster qatarynda qazaqstandyqtardyń da bar ekeni habarlanǵan bolatyn.

Otelde órt qaýipsizdigi erejeleri saqtalmaǵandyqtan, sot qaýlysyna baılanysty 300-ge tarta demalýshy tólenip qoıǵan nómirlerin tastap shyǵýǵa májbúr bolǵan.

«Batýmıdegi qonaq úıden bir top týrıstiń shyǵarylǵanynan habardarmyz. Aldyn ala boljam boıynsha, bul qonaq úıdegi týrıster ózge qonaq úılerge jaıǵastyrylǵan, al keıbirine aqshalaı qarajat qaıtarylǵan», - dep jaýap berdi QR SІM baspasóz qyzmeti agenttik saýalyna.

Mıınstrlik atalǵan másele boıynsha Qazaqstannyń Grýzııadaǵy Elshiligine eshbir qazaqstandyqtyń shaǵymdanbaǵanyn jetkizdi. Qazaqstan konsýly máseleni óz baqylaýyna aldy.