Qazaqstan Konstıtýtsııasy Braıl qarpinde jáne aýdıonusqada usynyldy
ASTANA.KAZINFORM - Ulttyq kitap kúnine oraı uıymdastyrylǵan kitap aptalyǵy aıasynda zaǵıp jáne nashar kóretin azamattarǵa arnalǵan respýblıkalyq kitaphanada Qazaqstan Respýblıkasy Konstıtýtsııasynyń jańa basylymynyń tanystyrylymy ótti.
Mádenıet jáne aqparat mınıstrligi málimetinshe, basylym qazaq jáne orys tilderinde Braıl qarpinde, sondaı-aq aýdıonusqada ázirlendi.
Іs-shara barysynda kitaphana qyzmetkerleri qatysýshylardy bederli-núkteli qarippen basylǵan kitaptardy daıyndaý úderisimen tanystyryp, olardyń jasalý kezeńderin kórsetti.
Jańa Konstıtýtsııa el damýynyń jańa kezeńin aıqyndaıdy. Táýelsizdikti nyǵaıtýǵa, saıası júıeni jańǵyrtýǵa jáne qoǵam damýynyń jańa úlgisin qalyptastyrýǵa baǵyttalǵan qujat retinde Ata Zańnyń máni aıryqsha.
Іs-sharanyń basty maqsaty – mańyzdy memlekettik qujattardy barlyq azamat úshin qoljetimdi qylyp, barshaǵa birdeı múmkindikti qamtamasyz etý.
Aıta keteıik, 1 shildeden bastap jańa Konstıtýtsııa kúshine enedi.
Oljas Bektenov barlyq memorganǵa Konstıtýtsııany túsindirý jónindegi is-sharalar josparyn júzege asyrýdy tapsyrdy.
