Qazaqstan konkıshileri Kanadada álem kýbogy kezeńiniń qola júldesin aldy

ASTANA. KAZINFORM – Kanadanyń Kalgarı qalasynda konkımen júgirýden ótken álem kýbogy kezeńinde Qazaqstan quramasy qola júldeger atandy.

Sportty damytý dırektsııasynyń baspasóz qyzmetinen málim etkenindeı, qazaqstandyqtar komandalyq sprıntte tabysty óner kórsetti.

Krıstına Sılaeva, Darıa Vajenına jáne Nadejda Morozova úshtigi jarys qashyqtyǵyn 1:26.36 sekýndta eńserip, Qazaqstan qorjynyna qola medal saldy.

Altyn júldeni Kanada (1:24.90) jeńip alsa, kúmis medal Polshanyń (1:25.02) enshisinde ketti.

Eske sala keteıik, budan buryn qazaqstandyq konkıshilerdiń Kalgarıde ótetin álem kýbogy kezeńine qatysatynyn jazǵan bolatynbyz.

Quramǵa kirgender: Marııa Degen, Nadejda Morozova, Krıstına Shýmekova, Inessa Shýmekova, Margarıta Galıeva, Krıstına Sılaeva, Darıa Vajenına, Roman Bınazarov, Vıtalıı Şıgolev, Artýr Galıev, Demıan Gavrılov, Aleksandr Klenko, Evgenıı Koshkın, Baqdáýlet Saǵatov, Nıkıta Vajenın, Vadım ıAkýbovskıı, Altaı Járdembekuly.