Qazaqstan konkıshileri «Azııa balalary» oıyndarynda 1 altyn, 1 kúmis medal aldy
ASTANA. QazAqparat - Qazaqstan konkıshileri Reseıdiń Kemerovo qalasynda qysqy sport túrlerinen ótip jatqan «Azııa balalary» oıyndarynda 1 altyn, 1 kúmis medal jeńip aldy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen túsken málimetke qaraǵanda, Varvara Glýhova konkımen júgirýden mass-startta máre syzyǵyn birinshi bolyp qıdy.
Ol 6:11.61 sekýndta júgirip ótti. Belarýs ókili Palına Sevetske kúmis, reseılik Ekaterına Ostrovskaıaǵa qola júlde buıyrdy.
Sonymen qatar Denıs Mezentsev, Mıhaıl Brovko, Mıhaıl Matrıýhın komandalyq sprıntte 1:36.75 sekýnd nátıjemen ekinshi orynǵa ıe boldy. Munda Sibir federaldy okrýgi altyn alsa, Belarýs konkıshileri úzdik úshtikti túıindedi.
Qazirgi kezde Qazaqstan quramasy qorjynynda 2 altyn, 5 kúmis, 5 qola medal bar.
Kemerovodaǵy «Azııa balalary» oıyndary erteń máresine jetedi.
Eske sala keteıik, budan buryn qazaqstandyq shorttrekshiniń «Azııa balalary» oıyndarynyń chempıony atanǵanyn jazǵan bolatynbyz.
