Qazaqstan kómiri qaı elderge eksporttalyp jatyr
ASTANA. KAZINFORM – Ónerkásip jáne qurylys mınıstrligi elimizde óndirilgen kómir qaı elderge eksporttalyp jatqanyn naqtylady.
«Jyl saıyn óndirilgen kómirdiń 25-30 paıyzy eksporttalady. Eksport naryǵynyń negizgi tutynýshylary — Reseı, Ózbekstan, Qyrǵyzstan, Túrkııa, Eýropa memleketteri», — delingen mınıstrliktiń Kazinform agenttigine bergen jaýabynda.
Budan buryn habarlanǵandaı, Bıyldyń sońyna deıin 112,7 mln tonna kómir óndirý josparlanǵan. Kómir óndirýshi kásiporyndardyń jedel derekteri boıynsha osy jyldyń 9 aıynda 77,7 mln tonna kómir óndirildi.
Byltyr Qazaqstan 31,2 mln tonna kómir eksporttady.
Úkimet basshysy Oljas Bektenov turǵyndar kómirdi turaqty baǵamen satyp alýy úshin eshqandaı qıyndyq bolmaýy kerek ekenin tapsyrdy.
