Qazaqstan kompanııalarynyń tabysyn 1 trln teńgeden asyrýǵa múmkindik bar
«Internet-saýdanyń tanymaldyǵy - tranzıtti damytý áleýeti. Aldaǵy 5 jylda Qytaıdan Eýropaǵa jiberiletin ınternet-sálemdemeler sany 6 esege artyp, 2025 jylǵa qaraı 4 mlrd sálemdemege deıin jetedi. 2018 jyldyń qorytyndysy boıynsha Qytaıdan Eýropaǵa 670 mln sálemdeme tasymaldandy. Onyń ishinde Qazaqstan arqyly tranzıt kólemi shamamen 6 paıyzdy qurady, bul - 39,2 mln sálemdeme. Qazaqstan Qytaı men Eýropa arasyndaǵy óte yńǵaıly geografııalyq jerde ornalasqan», - dedi R.Dálenov.
Onyń aıtýynsha, búgingi tańda Qazaqstan aýmaǵy arqyly ınternet-sálemdemelerdiń qazirgi kólemin qaıta jóneltý úshin barlyq ınfraqurylymdyq jáne rásimdik múmkindikter bar.
«Batys Eýropa - Batys Qytaı» kólik dáliziniń arqasynda osy tranzıt kólemin 2025 jylǵa qaraı 864 mln sálemdemege deıin ulǵaıtý josparlanyp otyr. Bul qazaqstandyq kompanııalardyń tabysyn 132 mlrd teńgeden 1 trln 270 mlrd teńgege deıin jetkizýge múmkindik beredi», - dedi mınıstr.
R.Dálenovtyń sózine qaraǵanda, elektrondyq kommertsııanyń ósýi saýdaǵa jáne baılanysty salalardy damytýǵa, sonyń ishinde tranzıtke áser etedi. Bul 2025 jylǵa qaraı JІÓ-ni jyl saıyn 1,1 paıyzdyq tarmaqqa ulǵaıtýy múmkin.