Qazaqstan kómirinen farmatsevtıkalyq jáne hımııalyq ónimniń 300-ge jýyq túri óndiriledi
NUR-SULTAN. QazAqparat – Qazaqstan kómirinen farmatsevtıkalyq jáne hımııalyq ónimniń 300-ge jýyq túri óndiriledi. Bul týraly Respýblıkalyq taý-ken óndirýshi jáne taý-ken metallýrgııalyq kásiporyndar qaýymdastyǵynyń atqarýshy dırektory Nıkolaı Radostovets aıtty, dep habarlaıdy QazAqparat tilshisi.
«Kómirimiz, ásirese Shubarkól kómiri básekege óte qabiletti. Odan farmatsevtıkalyq jáne hımııalyq ónimniń 300-ge jýyq túri óndiriledi. Kómirdiń az jaǵylýyna baılanysty óndiris kólemi qysqarǵan jaǵdaıda kómir kenshilerine ne isteý kerektigin eshkim aıqan joq. Bizge kómir kenishteriniń tóńiregine ınvestorlar kelýi úshin erkin ekonomıkalyq aýmaq qurýǵa múmkindik berińizder», - dedi ol elordada ótip jatqan Astana Mining & Metallurgy 11-shi taý-ken metallýrgııalyq kongresi aıasynda uıymdastyrylǵan brıfıngide.
Onyń atap ótýinshe, atalǵan erkin ekonomıkalyq aımaqqa kelgen ınvestorlarǵa salyqtan jáne odan basqa da jeńildikter berý qajet.
«Olar 5-10 jyl boıy salyqty múldem tólemeı-aq qoısyn. Biraq, olar kómirimizden biz qazir satyp alyp otyrǵan hımııalyq jáne farmatsevtıkalyq ónimderdi shyǵara bastaıdy. Biz qosylǵan quny birshama ónimderdi saýdalaıtyn bolamyz», - dedi Nıkolaı Radostovets.
