Qazaqstan kómirin eksporttyq baǵyttarǵa tasymaldaýda problemalar bar
ASTANA. Qyrkúıektiń 13-i. QazAqparat /Ernur Aqanbaı / - Qazaqstan kómirin eksporttyq baǵyttarǵa tasymaldaýda problemalar bar. Bul týraly búgin selektorlyq formattaǵy Úkimet otyrysynda Indýstrııa jáne jańa tehnologııalar vıtse-mınıstri Beısenbaı Turǵanov aıtty.
Onyń aıtýynsha, búgingi kúnde kómirdi eksporttyq baǵytqa jóneltý kestesiniń arta qalýshylyǵy 620 myń tonnany qurap otyr. Kún saıyn 2-2,5 myń jartylaı vagondar jetispeıdi. Sonyń kesirinen qazaqstandyq kómir qabattamalarynyń Reseı elektr sansalarynyń aldyndaǵy kelisim sharttyq mindettemeleri oryndalmaı otyr. Osynyń saldary Qazaqstan men Reseıdiń energo júıeleriniń paralleldi turaqtylyǵyna áser etýi múmkin. Óz kezeginde «Qazaqstan temir joly» kompanııasynyń prezıdenti Asqar Mamın búginde qazaqstandyq kómirdi eksporttyq baǵytqa tasymaldaýdy vagondarmen qamtamasyz etýde shynynda da qıynshylyqtar baryn aıtty. «Bul biz negizgi ekpindi elimizdegi elektr stansalaryn kómirmen qamtamasyz etýge salǵandyǵymyzben baılanysty. Meniń oıymsha, biz bir aptanyń, ári ketkende 10 kúnniń ishinde bul máseleni sheshetin bolamyz», dedi A. Mamın.
