Qazaqstan kómiri Eýropaǵa eksporttalyp jatyr

ASTANA. QazAqparat – Qazaqstan kómiri Reseı arqyly Eýropaǵa jetkizilip jatyr. Bul týraly Premer-Mınıstrdiń orynbasary - Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Ótken aptada Máskeýde bolyp, reseılik áriptesterimmen kezdestim. Qazaqstan kómirin Reseı arqyly tranzıtpen Eýropaǵa jiberýdi ýaǵdalastyq. Osy oraıda, 500 myń tonna kómir jóneltilmek. Atap aıtqanda, osy másele sheshimin taýyp otyr», - dedi S. Jumanǵarın Senatta tilshiler saýalyna jaýap berip.

Bul turǵyda ol elimizdiń kómiri Eýropaǵa satylyp jatqanyn atap ótti.

«Іshki naryqty qamtamasyz etý úshin kómir jetkilikti, sondyqtan eksportty kóbeıtý kerek. Eýropaǵa kómirdi ERG kompanııasy jetkizetin bolady», - dedi mınıstr.