Qazaqstan komandasynyń Belgııa quramasyn jeńýge múmkindigi mol - B. Shtork

Onyń aıtýynsha, Belgııa quramasynyń oıynshylary álemniń bedeldi, halyqaralyq fýtbol klýbtarynda óner kórsetedi. Degenmen, bizdiń de osy kezdesýde jeńetin múmkindigimiz joq emes.

"Belgııa quramasynyń oıynshylaryna jeńiske jetip, upaı jınaý talaptary qoıylyp, olarǵa elinde úlken qysym jasalýda. Jankúıerlerdiń bul qysymy bizdiń quramaǵa artylǵan jaýapkershilikten de aýyr. Qazaqstan quramasy sapynda Germanııa men Reseı elderiniń fýtbol ujymdarynda oınap júrgen oıynshylar bar. Sondyqtan men erteńgi kezdesýge senimdilikpen qaraımyn», - dedi bas bapker.

Osydan 3-4 jyl buryn Qazaqstan quramasy dál osy komandamen eki ret teń túskeni esimizde. 2006 jyly Eýropa birinshiliginiń irikteý kezeńinde Qazaqstan men Belgııa quramalary bir topqa túsip, Belgııada ótken alǵashqy matchta eki komanda bir-biriniń qorǵanys shepterin buza almaı 0:0 esebimen kezdesýdi teń aıaqtaǵan bolatyn. 2007 jyly qos qarsylas Almatyda kezdesti. Bul joly da teń oıyn boldy, esep 2:2-men qorytyndylanǵan.

Qazir bizdiń ulttyq quramanyń qataryna Reseıdiń eki jańa oıynshysy qosyldy. Olar Qazbek Geterıev pen Alekseı Popov. Sonymen qatar nemistiń Oberhaýzen qalasyndaǵy «Rot-Vaıss» klýbynan Genrıh Shmıdtgal da erteń alańǵa shyǵady dep kútilýde.

2006-2007 jyldary Qazaqstan - Belgııa arasynda bolǵan oıyndarǵa qatysqan Sımmons, Van Bıýıten, Van Damm, Vertongen, Defýr, Kompanı Astanada bolatyn matchtyń tizimine engizilgen. Erteń olar Kompanıden basqalarynyń barlyǵy alańǵa shyǵady. Al Belgııa aıaqdopshylarymen saıysyp kórgen otandastarymyzdyń ishinde kazirgi kapıtan Karpovıch, sondaı-aq Jumasqalıev pen Erismetov bar.

Andreı Karpovıch aldaǵy oıyn qarsańyndaǵy komandanyń kóńil- kúıin sýrettep berdi. «Búkil el bizge senim artyp otyr. Komanda bul senimdi aqtaýǵa tyrysatyn bolady. Oıynshylardyń qulshynysy úlken, saıysqa túsýge degen talpynys asa joǵary. Bul oıynda biz tek teń oınap qana qoımaı, jeńýdi maqsat etip qoıamyz», degen Qazaqstan quramasynyń kapıtany A. Karpovıch, «qarsylastar komandasynyń quramy jaqsy, óte susty komanda ekendigin túsinemiz. Biraq alań jazyq, dop domalaq. Aldymyzda tek jeńiske jetý maqsaty tur», - dedi komanda kapıtany.

Qazir Qazaqstan men Belgııa komandalary eki matchtan ótkizip, ekeýi de esh upaı jınaı almady. Qazaqstan quramasy óziniń qaqpasyna 5 gol ótkizip, qarsylastaryna birde bir dop salmaǵan. Belgııa fýtbolshylary óz qaqpasyna 4 gol jiberip alyp, qarsylastardyń qaqpasyna 2 dop salǵan.

Qazir elimizdiń ulttyq quramasy FIFA reıtınginde 126-shy orynǵa jaıǵasty. Qazaqstan quramasymen birge EÝRO -2012 jarysynyń irikteý synynda «A» tobyna túsken nemister 4-shi, Túrkııa 28-shi, Belgııa 62-shi, Ázirbaıjan quramasy 106-shy satyda tur.

Ulttyq quramanyń qataryna mynalar kirip otyr: qaqpashylar -Aleksandr Mokın («Ordabasy»), Andreı Sıdelnıkov («Aqtóbe»), Aleksandr Grıgorenko ( «Shahter»).

Qorǵaýshylar: Aleksandr Kıslıtsyn («Shahter»), Aleksandr Kırov («Lokomotıv»), Dmıtrıı Shomko («Ertis»), Mıhaıl Rojkov («Lokomotıv»), Renat Abdýlın («Tobyl»), Vladıslav Chernyshov («Ertis»), Alekseı Popov («Amkar», Reseı).

Jartylaı qorǵaýshylar: Serikjan Mujyqov («Jetisý»), Aslan Darabaev («Aqtóbe»), Azat Nurǵalıev («Tobyl»), Genrıh Shmıdtgal («Rot-Vaıss», Germanııa), Andreı Karpovıch («Aqtóbe»), Ulan Qonysbaev («Taraz»), Qazbek Geterıev («Spartak», Reseı). Shabýyldaýshylar: Evgenıı Averchenko («Aqtóbe»), Sergeı Hıjnıchenko («Atyraý»), Sergeı Lısenkov («Aqtóbe»), Nurbol Jumasqalıev («Tobyl»), Maksım Azovskıı («Lokomotıv»), Andreı Fınonchenko («Shahter»).