Qazaqstan komandasy fızıka páni boıynsha halyqaralyq olımpıadaǵa qatysady
ASTANA. 18 shilde. QazAqparat - QR Bilim jáne ǵylym mınıstrligi, «Daryn» respýblıkalyq ǵylymı-praktıkalyq ortalyǵynyń qoldaýymen fızıkadan Qazaqstan Respýblıkasynyń qurama komandasy 2012 jylǵy 15-24 shilde aralyǵynda Tallın, Tartý qalalarynda (Estonııa) ótetin fızıka páni boıynsha halyqaralyq olımpıadaǵa qatysady.
Bul jaıynda atalǵan mınıstrliktiń málimetterinde aıtylǵan.
«Qazaqstandyq oqýshylardyń halyqaralyq olımpıadalarǵa qatysýy daryndy balalardy anyqtaý men qoldaý kórsetýge járdemdesip, olardyń zertteý-izdenýshilik jumystarǵa degen qyzyǵýshylyqtaryn arttyrady», - delingen bul málimetterde.
Olımpıadaǵa álemniń 86 elinen 369 mektep oqýshysy qatysady. Halyqaralyq olımpıadada Qazaqstan Respýblıkasynyń namysyn fızıka páni boıynsha respýblıkalyq jarystarda jeńis tuǵyrynan kóringen 5 oqýshy qorǵaıdy.
Olımpıada baǵdarlamasy sheńberinde qatysýshylardyń 1996 jylǵy hımııadan Nobel syılyǵynyń laýreaty ser Garold Krotomen kezdesýi jáne Estonııanyń tarıhı jerlerine saıahat josparlanǵan.
Halyqaralyq olımpıadanyń saltanatty jabylýy 2012 jylǵy 23 shildede ótedi.
