Qazaqstan komandasy estafetadan Azııa chempıony atandy
ASTANA. KAZINFORM - Búgin Qytaıdyń Shaosın qalasynda bastalǵan estafeta júgirýden ІІ Azııa chempıonatynda Qazaqstan qorjynyna altyn júlde tústi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Aralas komandalyq synda (mıkst) 4×400 metr Qazaqstan atletteri márege birinshi jetti.
Komanda sapynda Andreı Sokolov, Marııa Shývalova, Elnor Mýhıtdınov pen Adelına Zems jarys jolyna shyqty.
Bizdiń sportshylar arasynan eń úzdik aralyq nátıjeni Elnor Mýhıtdınov kórsetti (100 metrdi 46.14 sekýndta júgirdi).
Estafeta júldegerleri:
1. Qazaqstan
2. Úndistan
3. Qytaı
Aıta keteıik, 2 kúnge sozylatyn jarysqa 9 elden 105 atlet jınaldy. Endi sportshylar 4h400 metr estafetada erler men áıelder arasynda kim myqtyny anyqtaıdy.
Osyǵan deıin 2026 jylǵy jaǵajaıdaǵy Azııa oıyndary Qytaıdyń Sanıa qalasynda ótip, akvatlonnan Qazaqstan quramasy aralas estafetalyq jarysta tórtinshi orynǵa ıe bolǵany týraly jazdyq.
