Qazaqstan komandasy erteń bıatlonnan álem kýboginde baq synaıdy

Bıatlonnan Qazaqstan komandasy erteń, ıaǵnı 4 qańtar kúni Oberhoftaǵy (Germanııa) álem kýboginiń tórtinshi kezeńinde baq synaıdy, dep habarlaıdy Kazinform. 

QR Bıatlonshylar odaǵynyń baspasóz qyzmeti málim etkendeı, atalǵan doda 4-7 qańtar aralyǵynda ótedi.

Alǵashqy jarys kúninde erler 10 shaqyrymǵa, áıelder 7,5 shaqyrymǵa sprınterlik ádispen jarysady.

6 qańtar kúni iz kezý jarysy, 7 qańtar kúni estafeta ótpek.

Atalǵan álem kýboginde Qazaqstan Ulttyq quramasy sapynda erler arasynda Aset Dıýsenov, Aleksandr Mýhın, Vladıslav Kıreev, Nıkıta Akımov, áıelder arasynda Polına Egorova, Galına Vıshnevskaıa-Sheporenko, Anastasııa Kondrateva jáne Arına Krıýkova el namysyn qorǵaıdy.