Qazaqstan komandasy álem chempıonatynda Olımpıada chempıony Frantsııamen kezdesti
ASTANA. KAZINFORM – Búgin Ázerbaıjan astanasynda dzıýdodan eresekter arasyndaǵy álem chempıonatynda komandalyq saıys (mıkst) ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Qazaqstan komandasy alǵashqy kezeńde Parıj Olımpıadasynyń jeńimpazy Frantsııamen kúsh synasty. Bul aıqasta 1-4 esebimen qarsylas basym túsip, shırek fınalǵa joldama aldy.
Ulttyq qurama sapynda Jantilek Nurtilepuly, Dına Muhanbet, Ersultan Dúısenhan, Móldir Narynova men Ermahan Anýarbekov tatamıge shyqty. Osylaısha, Qazaqstan Bakýdegi chempıonatty Sherzod Davlatov (-60 kg) qol jetkizgen 1 kúmis medalmen aıaqtady.
Bıyl 93 memleketten 622 tatamı sheberi jınaldy.
Aıta keteıik, kelesi jylǵy álem chempıonatyn jazda Astana qalasy qabyldaıdy.
Qazaqstannyń 10 boksshysy Chernogorııadaǵy álem chempıonatynda baq synaıtynyn jazǵan edik.
