Qazaqstan qoljetimdi baspana qurylysy boıynsha túrik tájirıbesin zerdeledi
ASTANA. QazAqparat - Turǵyn úı qurylysy salasyndaǵy túrik tájirıbesin zerdeleý maqsatynda Qurylys, TKSh jáne jer resýrstaryn basqarý isteri komıteti tóraǵasynyń orynbasary Jasulan Súıinshálıevtiń basshylyǵymen Qazaqstan Ulttyq ekonomıka mınıstrliginiń delegatsııasy Ankarada birqatar kezdesýler ótkizdi, dep habarlady Túrkııadaǵy QR elshiliginiń baspasóz qyzmeti.
QR UEM ókilderi Túrkııa úkimeti (TOKİ) janyndaǵy Turǵyn úı basqarmasy basshylyǵy jáne mamandarymen pikir almasty.
TOKİ beıindi mamandarymen áńgimelesý barysynda qazaqstandyq delegatsııa aldynda túriktiń turǵyn úı qurylysy vedomstvosynyń tájirıbesi jan-jaqty kórsetildi.
Sonymen qatar, QR UEM ókilderi jergilikti halyqty qoljetimdi turǵyn úımen qamtamasyz etý jónindegi memlekettik baǵdarlamanyń aıasynda Ankara qalasynda birqatar turǵyn úı nysandarynyń qurylysy barysymen tanysty.
Ádisnamalyq kómek kórsetý aıasynda TOKİ qazaqstandyq tarapqa qurylys jáne áleýmettik turǵyn úımen qamtamasyz etý salasyndaǵy quqyqtyq máselelerdi retteıtin zańnamalyq aktiler kóshirmesin berdi.
Delegatsııany Túrkııadaǵy Qazaqstannyń Tótenshe jáne Ókiletti Elshisi Janseıit Túımebaev qabyldady, ol bul máseleni qazaqstandyq taraptyń jan-jaqty zerdeleý qajettigin atap óte kele, áleýmettik turǵyn úı salýdyń jergilikti tájirıbesi jaıly aıtty.
