Qazaqstan kolorektaldyq rakty anyqtaý jónindegi skrıngtik baǵdarlamany TMD-da birinshi bolyp engizbek
ALMATY. 11 qarasha. QazAqparat /Ádilet Musahaev/ - Qazaqstan - TMD elderiniń ishinde 2011 jyly kolorektaldyq rakty anyqtaý jónindegi skrıngtik baǵdarlama engizgeli otyrǵan alǵashqy el. Bul jaıynda Almatyda ótip jatqan "Zamanaýı onkologııa men radıologııany damytýdyń jetistikteri men keleshegi" atty konferentsııa barysynda Qazaq onkologııa jáne radıologııa ǵylymı-zertteý ınstıtýtynyń dırektory Jetkergen Arzyqulov málim etti.
Onyń aıtýynsha, baǵdarlamanyń maqsaty - qaterli isik aýrýyn klınıkalyq kórinis bermeı turyp anyqtaý jáne naýqastardyń kóz jumý kórsetkishin tómendetý.
Mamandardyń deregine súıensek, toq ishektiń qaterli isikke shaldyǵýy dúnıejúzindegi onkologııalyq aýrýlar ishinde 3 orynda, jyl saıyn álemde atalmysh aýrýǵa shaldyqqan 1234000 jańa jaǵdaıy tirkeledi eken. Naýqastardyń 50 paıyzy, ıaǵnı jylyna 639 myń naýqas aýrý meńdep ómirden ótip jatyr. "TMD elderiniń arasynda Qazaqstan aýrýdyń bul túri boıynsha 7-shi orynda. Kóptegen jaǵdaıda naýqasqa dıagnoz III-IV st qoıylady, bul kezde jasalatyn emniń tıimdiligi tómen bolady", - deıdi J. Arzyqulov.
