Kolledjderdiń oqytý baǵdarlamasynan 32 mamandyq alynyp tastalýy múmkin
ASTANA. KAZINFORM – Qazaqstanda eńbek naryǵynda suranysy ózgergen mamandyqtar boıynsha kadr daıarlaý júıesi qaıta qaralyp jatyr. Qazirdiń ózinde eńbek naryǵynyń talabyna saı kelmeıtin 66 bilim berý baǵdarlamasy tizilimnen shyǵaryldy.
Oǵan qosa, suranys bolmaǵandyqtan 32 mamandyqty, onyń ishinde 41 jumysshy biliktiligin alyp tastaý qarastyrylyp jatyr.
Oqý-aǵartý mınıstri Juldyz Súleımenovanyń aıtýynsha, tehnıkalyq jáne kásiptik bilim berý mazmuny eńbek naryǵyndaǵy ózgeristerge sáıkes jańartylyp keledi.
Búginde 552 kásiptik standart negizinde 14 494 bilim berý baǵdarlamasy ázirlengen. Onyń 4 348-i jumysshy biliktilikterin qamtıdy.
– Qazirgi ýaqytta oqytý 188 mamandyq boıynsha júrgiziledi. Alaıda curanystyń bolmaýyna baılanysty 32 mamandyqty, onyń ishinde 41 jumysshy biliktiligin alyp tastaý qarastyrylyp jatyr. Eńbek naryǵynyń talaptaryna sáıkes kelmeıtin 66 bilim berý baǵdarlamasy tizilimnen shyǵaryldy, – dedi mınıstr Úkimettiń búgingi otyrysynda.
Aıta keteıik, búgin Úkimet otyrysynyń kún tártibine jumysshy mamandyqtary boıynda kadrlar daıyndaýdaǵy jańa tásilder taqyryby shyǵarylyp otyr.
Buǵan deıin J. Súleımenova kolledj túlekteriniń 90 myńnan astamy mamandyǵy boıynsha jumysqa ornalasqanyn aıtqan edi.
