Qazaqstan kólik salasynda Reseımen, Qytaımen yntymaqtastyǵyn jalǵastyra beredi - Prezıdent

ASTANA. QazAqparat – Qazaqstan kólik salasynda Reseımen, Qytaımen yntymaqtastyǵyn jalǵastyra beredi. Bul týraly búgin Qazaqstan halqyna Joldaýyn jarııalaý kezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Strategııalyq mańyzy bar mindettiń biri – kólik-logıstıka salasynyń áleýetin tolyq paıdalaný. Qazir álemde jańa ekonomıkalyq keńistik qalyptasyp jatyr. Qytaıdan Eýropaǵa, Reseıge, Ortalyq Azııaǵa jáne osy aımaqtardan Qytaıǵa jiberiletin taýar kólemi aıtarlyqtaı kóbeıedi degen boljam bar. Qazaqstan soltústik pen ońtústikti, batys pen shyǵysty baılanystyratyn jahandyq jolaıryqta ornalasqan. Bul bizdiń elimizge zor múmkindik berip otyr. Sondyqtan, kólik-logıstıka salasy ekonomıkamyzdy alǵa bastaıtyn basty kúshtiń birine aınalýǵa tıis. Qazir báseke kúsheıip tur. Osyǵan oraı, birqatar mańyzdy máseleni shuǵyl sheshý kerek», - dedi Qasym-Jomart Toqaev.

Prezıdenttiń aıtýynsha, eń aldymen «Dostyq-Moıynty», «Baqty-Aıakóz», «Darbaza-Maqtaaral» baǵytyndaǵy iri temirjol jobalaryn sapaly júzege asyrý qajet.

«Onyń qatarynda Almatyny aınalyp ótetin temir jol jelisi de bar. Qazaqstan kólik salasynda Reseımen, Qytaımen yntymaqtastyǵyn jalǵastyra beredi», - dedi Memleekt basshysy.