Qazaqstan kólik keptelisi boıynsha álemdik reıtıngte 51-orynda

NUR-SULTAN. QazAqparat – Trafıktiń shamadan tys júktelýi boıynsha álemdegi eń nashar elderdiń reıtınginde Qazaqstan 85-ten 51-oryndy ıelendi, dep habarlaıdy QazAqparat finprom.kz-ke silteme jasap.

Eldiń trafık ındeksi 128,37-ni qurady. Indeks jumysqa baratyn ýaqytty, ýaqyt shyǵyndaryna qanaǵattanbaýdy, jol qozǵalysy kezinde CO2 tutynýdy jáne álemniń ártúrli elderindegi jol qozǵalysy júıesiniń jalpy tıimsizdigin baǵalaıdy

Reıtıng derekterine sáıkes, QR-da jumysqa barýǵa jumsalǵan ortasha ýaqyt bir jaqqa ǵana barýǵa 33,64 mınýtty quraıdy. QR-daǵy SO2 shyǵaryndylarynyń ındeksi 4040,36-ny qurady, bul – eki jaqqa jumsalǵan qozǵalys kezinde SO2 shyǵaryndylaryn baǵalaý kórsetkishi.

2021 jylǵy qańtarda QR kólik-logıstıka salasyna 26,6 mlrd teńge salyndy, bul bir jyl burynǵyǵa qaraǵanda 33% - ǵa artyq.

Qańtarda kúrdeli qarjy salymdarynyń basym bóligi QR-daǵy jalpy kórsetkishten 47,3%-y nemese 12,6 mlrd tg Qostanaı oblysyna tıesili boldy. Bir jylda 6,4 ese artqan. Odan keıin Almaty oblysy (3,4 mlrd tg, bir jyl burynǵyǵa qaraǵanda 13,6 ese artyq) jáne Nur-Sultan qalasy (1,8 mlrd tg, 21,2% az) tur.

Logıstıka salasyna qańtar aıynda Shymkentte eń az ınvestıtsııa salyndy. Munda 73,9 mln teńge salyndy, bir jyl burynǵydan 75,4%-ǵa kem.