Qazaqstan kókpardy patentteý maqsatynda jumys isteýde
ASTANA. QazAqparat - Qazaqstan kókpardy patentteý maqsatynda jumys isteýde. Bul týraly búgin Astanada Ortalyq kommýnıkatsııalar qyzmetinde ótken baspasóz máslıhatynda QR Sport jáne dene shynyqtyrý isteri agenttiginiń tóraǵasy Tastanbek Esentaev málim etti.
«Kókpardan bizdiń elde byltyr alǵash ret Azııa Oıyndary ótti. Kókparǵa qatysty Azııa elderinde kóp tartys bar. Qyrǵyzdarymyz kókbóri deıdi, biz kókpar deımiz, endi túrkitildes elder arasynda eki kún buryn Túrkııada jınalyp, túrki oıyndaryn ótkizý josparlaǵan bolatynbyz. Bizdiń ǵalymdar, Túrik ýnıversıtetiniń mamandary osy oıyn túrin qalaı ataımyz, qalaı damytamyz degen saýaldyń tóńireginde talqylaýlar júrgizedi. Biz óz tarapymyzdan kókpar jáne ózge de ulttyq sport túrlerin patenttep alý baǵytynda jumys istep jatyrmyz», - dep atap ótti ol.
