Qazaqstan qoǵamyndaǵy jastar saıasaty týraly májilis ótedi
ALMATY. 17 qazan. QazAqparat /Erlik Erjanuly/ -Almatyda 1 qarasha kúni "Qazirgi Qazaqstan qoǵamyndaǵy jastar saıasatynyń róli men orny" dep atalatyn dóńgelek ústel májilisi ótedi.
Ol Muhamedjan Tynyshbaev atyndaǵy Qazaq kólik jáne kommýnıkatsııalar akademııasynda bolady. Ony Almaty jastarynyń kongresi uıymdastyrǵaly otyr.
Bul alqaly jıynǵa qalalyq jastar saıasaty basqarmasynyń, jastar men stýdenttik uıymdardyń jáne joǵary oqý oryndaryndaǵy jastar isi komıtetteriniń jetekshileri qatyspaq. Jalpy qazirgi tańda jergilikti atqarý organdarynda jastar isimen aınalysatyn arnaıy organ tek Almaty qalasynda ǵana bar. Al "Almaty jastarynyń kongresi" qoǵamdyq birlestigi 2009 jyly qurylǵan bolatyn. Ol 2002 jyly Astana qalasynda ótken ІІ Respýblıkalyq jastar foprýmynda negizi qalanǵan Qazaqstan jastary kongresiniń Almatydaǵy ókildigi sanalady.
