Qazaqstan qoǵamy búgingi kúni saıası, ekonomıkalyq jáne áleýmettik ózgeristerge daıyn - saıasattanýshy
ASTANA. QazAqparat - Qazaqstan qoǵamy búgingi kúni saıası, ekonomıkalyq jáne áleýmettik ózgeristerge daıyn. Bul pikirdi búgin «Amanat» ıntellektýaldy pikirsaıys klýbynyń kezekti otyrysy aıasynda BAQ ókilderine suhbat bergen saıasattanýshy Erlan Saıyrov bildirdi.
«Keshe Elbasy ulyqtaý rásimindegi sózinde bizdiń elimizde Jańǵyrtý jónindegi ulltyq komıssııa qurylatyndyǵyn jarııa etken bolatyn. Bizdiń oıymyzsha, Qazaqstan qoǵamy búgingi kúni saıası, ekonomıkalyq jáne áleýmettik ózgeristerge daıyn», - dedi ol. Osy rette saıasatanýshy Memleket basshysy atap ótken 5 ınstıtýtsıonaldy reformany qaı baǵytta, qalaı júrgizý qajettigi tóńiregindegi máseleler sarapshylar deńgeıinde talqylanatyndyǵyn atap ótti. «Qoǵamda, elde eń birinshi saıası jaǵyna basa nazar aýdarady. Biraq bizdiń qoǵam úshin sonymen birge sot reformasy da, memleketik qyzmet reformasy da ózekti. Sondyqtan, meniń oıymsha, qoǵam, halyq belgili bir sana transformatsııasyna daıyn. Bizdiń elimizdiń sanasynyń transformatsııasyn jan-jaqty qarastyrýymyz qajet», - dedi ol.
