Qazaqstan kógaldaǵy hokkeıden Azıadaǵa irikteýde eki ret jeńiske jetti
NUR-SULTAN. QazAqparat - Kógaldaǵy hokkeıden Qazaqstan áıelder quramasy Azııa oıyndaryna irikteý satysynda ekinshi jeńisine qol jetkizdi, dep habarlaıdy QazAqparat tilshisi.
Ekinshi kezdesýinde qazaqstandyq sportshylar Ózbekstan quramasymen synǵa tústi. Oıyn barysynda 55-mınýtta el quramasynan Qarlyǵash Bolǵanbaeva esep ashsa, arada bir mınýt ótkende Alına Bısırova esepti ulǵaıta tústi.
Osylaısha Qazaqstan quramasy qarsylasyn 2:0 esebimen súrindirdi.
Aıta ketsek, budan buryn olar Indonezııany 1:0 esebimen jeńgen bolatyn.
El quramasy irikteý kezeńinde Ózbekstan, Indonezııa, Gonkong, Shrı-Lanka, Kambodja jáne Sıngapýrmen sheberlik baıqasýda.
Qazaqstandyq hokkeıshiler endi 9 maýsymda Kambodja quramasymen kezdesedi.
Elimizdiń áıelder quramasy Azııa oıyndary fınaldyq satysynda tórt márte qatysty. 1998, 2014 jyldarda 6-oryn alsa, 2010 jyly - 7, 2018 jyly 10-oryndy mise tutty.
