Qazaqstan KO elderi arasynda elektrondyq kommertsııa kóshbasshysyna aınalýy múmkin

ASTANA. QazAqparat - Zańnamalyq jeńildikter usyný sharttary arqyly Qazaqstan Keden odaǵyndaǵy ınternet kommertsııasynyń kóshbasshysyna aınalady, dep málimdedi Qazaqstannyń Internet-assotsıatsııasy basshysy Shavkat Sabyrov ASTEX-2014 aqyldy tehnologııalar kórme-konferentsııasy barysynda Primeminister.kz saıtyna bergen suhbatynda.

«Eger biz qazir yntalandyrý jasap, mysalǵa óz ýaqytynda AQSh-taǵydaı elektrondyq kommertsııa jumysyna alǵashqy bes jylǵa QQS alyp tastasaq, onda Reseıdiń barlyq qarjy aǵymdaryn ózimizge alyp, Sıngapýr sııaqty qarjy «alpaýytyna» aınalamyz. Bizde qarjy jaǵdaılary jeńilirek, eger bizge jeńildikter men quraldar berse, Qazaqstan Keden odaǵy jáne BEK sharttarynda naǵyz kóshbasshyǵa aınalýy múmkin. Biz elektrondyq kommertsııa naryǵyn ala alamyz», - dedi Sh.Sabyrov.

Onyń aıtýynsha, Qazaqstanda KO-da elektrondyq kommertsııa boıynsha kóshbasshylyq etý úshin jetkilikti tehnıkalyq baza bar.

Alaıda, ol bul segmenttiń áldeqaıda dınamıkalyq damýyna birneshe tosqaýyl kedergi keltiredi dep esepteıdi. Birinşi faktor - ınternet-kommertsııa alańdary sanynyń azdyǵy, ol Sh.Sabyrovtyń aıtýynsha, jarty jyl ishinde ózgerýi múmkin, sebebi e-kommertsııa naryǵy óte tez ósip keledi. Jetildirýdi qajet etetin ekinshi shart - logıstıka. Sonymen, Internet-assotsıatsııasy basshysynyń pikirinshe, taýardy óndirýshiden ınternet-satyp alýshyǵa deıin jetkizý protsesin retteýge birneshe jyl ketýi múmkin.