Qazaqstan qyzdar quramasy voleıboldan Azııa chempıonatyn altynshy orynmen aıaqtady
ASTANA. KAZINFORM — Taılandta voleıboldan 18 jasqa deıingiler arasynda Azııa chempıonatynda Qazaqstan quramasy sońǵy oıynyn ótkizdi.
Keshe Indonezııany 3:2 esebimen tize búktirgen qazaqstandyq qyzdar 5-orynǵa iligý úshin Vetnamdy jeńýi kerek bolatyn.
Vladımır Anıkonovtyń shákirtteri vetnamdyqtarǵa 0:3 (21:25, 17:25, 23:25) esebimen ese berdi.
Osylaısha, Qazaqstan qyzdar quramasy Azııa birinshiligin 6-orynmen túıindedi.
Óz tobynan qazaqstandyqtar ekinshi orynmen shırek fınalǵa shyqqan edi. Onda Ońtústik Koreıaǵa 1:3 esebimen jol bergen bolatyn.
Eske sala keteıik, budan buryn voleıboldan Azııa chempıonatynda Qazaqstan qyzdary Indonezııany qapy qaldyrǵanyn jazǵan edik.
