Qazaqstan qyzdar quramasy shahmat Olımpıadasynda TOP-3-tegi ornyn saqtady
ASTANA. KAZINFORM — Shahmattan Samarqand qalasynda ótip jatqan 46-shy Olımpıadanyń onynshy týrynda arýlarymyz kezekti jeńisin tirkep, TOP-3-tegi ornyn saqtap qaldy.
Búgingi oıynda Qazaqstan quramasynyń (ortasha jasy - 19,5) qarsylasy retinde tájirıbeli Frantsııa (ortasha jasy - 38,75) tanyldy. Bıbisara birinshi taqtada 34-shi júristen keıin, Olımpıadadaǵy eń jyldam tirkegenimen, quramanyń jaǵdaıy óte qıyn edi.
Sebebi, Merýerttiń jeńilisinen bólek, tórtinshi taqtadaǵy Elnazdyń da múmkindigi óte tómen baǵalandy. Biraq Frantsııa shahmatshysy bir ǵana qate júrispen qolda turǵan basymdyqtan aıyrylyp qaldy.
Nátıjesinde 16 jastaǵy Elnaz 6 saǵatqa jalǵasqan kezdesýde jeńisti julyp aldy. Esep: 2,5:1,5.
Bıbisara
Qazaqstan/Frantsııa - 2,5:1,5
Bıbisara Asaýbaeva – Deımante Daýlıte-Kornett
Alýa Nurman – Marı Sebag
Merýert Kamalıdenova – Sofı Mıle
Elnaz Qalıahmet – Polın Gıshar
Áıelder. 189 komanda
Qytaı – 18 upaı (8 jeńis, 2 teń oıyn)
Qazaqstan – 17 upaı (7 jeńis, 3 teń oıyn)
Úndistan - 16 upaı (7 jeńis, 2 teń, 1 jeńilis)
Polsha - 16 upaı (8 jeńis, 2 jeńilis)
Vetnam - 16 upaı (8 jeńis, 2 jeńilis)
Erler arasynda Ózbekstan qaıta kósh basyna shyqsa, Ózbekstannyń ekinshi komandasy úzdik úshtikke enip ketti.
Qazaqstan quramasy bastapqy reıtıngte 15-orynda turǵan Polshamen teń tarqasty.
Qazaqstan/Túrkimenstan - 3:1
Denıs Mahnev – Saparmýrat Atabaev
Saýat Nurǵalıev – Meılıs Annaberdyev
Aldııar Ańsat – Amanmýhammet Hommadov
Jandos Aǵmanov – Shahrýh Týraev
Open. 205 komanda
Ózbekstan – 18 upaı (9 jeńis, 1 jeńilis)
Úndistan - 17 upaı
Germanııa - 16 upaı
Ýkraına - 16 upaı
Majarstan - 16 upaı
33-oryn. Qazaqstan - 12 upaı
Erteń sheshýshi 11-týr oıyndary ótedi.
