Qazaqstan qyzdar quramasy ovarı oıynynan 1 altyn 1 qola júlde jeńip aldy

ASTANA. KAZINFORM –  Qazaqstan qyzdar quramasy V Dúnıejúzilik kóshpendiler oıyndary aıasynda ótip jatqan Batys Afrıka halyqtarynyń zııatkerlik oı̆yny ovarıden 2 medal jeńip aldy.

Jekeleı synda, 10 dúrkin álem chempıony Ásel Dalıeva top jarsa, Ańsaǵan Qojanásip qola júldege ıe boldy. Al qyrǵyz sportshysy kúmis medal enshiledi.

Erler arasyndaǵy jekeleı synda Nıgerııalyq Djonson Aramıd Adeoıe kósh bastap tur.

Aıta keteıik, Ovarı oıynyna 35 elden 90 sportshy baǵyn synap jatyr. Komanda quramy 2 er, 2 áı̆el, 1 bapkerden quralady.

Buǵan deıin habarlaǵanymyzdaı, Jarysty dúnıejúzilik «Toǵyzqumalaq» federatsııasy «Ovarı» halyqaralyq federatsııasymen birlesip ótkizedi.

Qazaqstan quramasy sapynda Serik Aqtaev, Ernur Mereshev, Ásel Dalıeva jáne Ańsaǵan Qojanásip el namysyn qorǵap jatyr.