02:37, 31 Qazan 2025 | GMT +5
Qazaqstan qyzdar quramasy gandboldan jasóspirimder Azıadasynda úshinshi oryn aldy
ASTANA. KAZINFORM – Bahreınniń Manama qalasynda ótip jatqan jasóspirimder arasyndaǵy Azııa oıyndarynda gandboldan qyzdar arasyndaǵy báseke aıaqtaldy. Bul týraly Qazaqstan UOK baspasóz qyzmeti jazdy.
Qazaqstan quramasy jasóspirimder Azıadasynda úshinshi orynǵa ıe boldy.
Iran quramasy jeńiske jetse, Qytaı sportshylary ekinshi oryn aldy.
Aıta keteıik, buǵan deıin gandboldan Qazaqstan qyzdar quramasy Azııa oıyndarynda Úndistannan basym túsken edi.
Toptyq kezeńdegi kezekti oıynda otandastarymyz Úndistan quramasymen kezdesip, birinshi kezeń 19:15 esebimen qazaqstandyqtardyń paıdasyna aıaqtalǵan bolatyn. Ekinshi kezeńde de basymdyǵyn saqtaǵan Qazaqstan quramasy matchty 39:26 esebimen óz paıdasyna aıaqtady.