Qazaqstan qyzdar quramasynyń Eýropa chempıonatyndaǵy qarsylastary belgili boldy
ASTANA. KAZINFORM - Fýtboldan 17 jáne 19 jasqa deıingi qyzdar arasyndaǵy Eýropa chempıonatynyń alǵashqy irikteý kezeńiniń jerebesi tartyldy.
Jerebe qorytyndysy boıynsha Qazaqstan 17 jasqa deıingi qyzdar quramasy V lıgasynyń altynshy tobynda Shvetsııa jáne Estonııa quramalarymen synǵa túsedi.
Oıyndar 23-26 qazan aralyǵynda Shvetsııada ótedi.
Al elimizdiń 19 jasqa deıingi qyzdar quramasy V lıgasynyń ekinshi tobynda Rýmynııa, Latvııa jáne Lıhtenshteınmen sheberlik baıqasady.
Matchtar 27 qarasha-3 jeltoqsan kúnderi Rýmynııada ótedi.
Alty topqa bólingen komandalar A Lıgasynyń joldamasy úshin baq synaıdy. Top jeńimpazdary men úzdik kórsetkishi bar ekinshi oryn ıegeri joǵary dıvızıonǵa shyǵady.
Eske salsaq, budan buryn fýtboldan Qazaqstan — Ázerbaıjan joldastyq kezdesýi qaı telearnadan kórsetiletini aıtylǵan edi.
