Qazaqstan qyzanaq ımportyna ýaqytsha shekteý qoıdy
ASTANA. KAZINFORM - Qazaqstan Aýyl sharýashylyǵy mınıstrligi úshinshi elderden jańa pisken jáne salqyndatylǵan qyzanaq ákelýge ýaqytsha tyıym saldy.
Shekteý EAEO-ǵa múshe emes elderden ákelinetin syrtqy ekonomıkalyq qyzmet taýar nomenklatýrasy boıynsha 0702 kodyna jatatyn qyzanaqtarǵa qatysty bolyp otyr. Bul talap ónimdi kólikpen jetkizýdiń barlyq túrine qoldanylady.
Alaıda munyń Eýrazııalyq ekonomıkalyq odaqqa múshe memleketterden keletin qyzanaqtarǵa áseri joq. Sondaı-aq Qazaqstan aýmaǵy arqyly ótetin tranzıttik tasymaldarǵa jáne EAEO elderi arasynda Qazaqstan arqyly taýar ótkizýge bul shekteý qoldanylmaıdy.
Qyzanaq ımportyna qoıylǵan shekteý 2026 jylǵy 30 maýsymǵa deıin jalǵasady.
Tıisti buıryqqa Aýyl sharýashylyǵy mınıstri 2026 jylǵy 22 maýsymda qol qoıdy. №250 qujat sol kúni kúshine endi.
Aıta keteıik, buǵan deıin óndiriske qajetti ımporttyq taýarlar tizimi keńeıtilýi múmkin ekenin jazdyq.
