Qazaqstan Qytaıǵa bir jylda 5,5 mlrd tekshe metr gaz tasymaldaǵan
ALMATY. KAZINFORM — «Azııa gaz qubyry» JShS ótken jyly Qytaıǵa 5,5 mlrd-qa jýyq tekshe metr otandyq gaz tasymaldaǵan.
Bul týraly «Azııa gaz qubyry» JShS basqarma tóraǵasy Erseıit Qaıypov Kazinform tilshisine aıtty.
Onyń aıtýynsha, «Ortalyq Azııa — Qytaı» gaz qubyry arqyly tasymaldanatyn qazaqstandyq gazdyń bir bóligi Qytaıǵa tasymaldanady.
— «Beıneý-Bozoı-Shymkent» gaz qubyry Túrkistan oblysyndaǵy Aqbulaq gaz ólsheý stansasynan bastap «Ortalyq Azııa — Qytaı» qubyryna qosylady. Odan ary qaraı Túrkistan oblysynan Almaty oblysyna deıingi óńirlerdi gazben qamtyp, bir bóligi Qytaıǵa tasymaldanady. Ótken jyldyń qorytyndysy boıynsha, 5,5 mlrd tekshe metr gaz Qytaıǵa jiberildi, — dedi Erseıit Qaıypov.
Basqarma tóraǵasynyń aıtýynsha, atalmysh gaz qubyry elimizdiń ońtústik óńirlerin jylyna 2,5-3 mlrd tekshe metr gazben qamtamasyz etip otyr.
