Qazaqstan Qytaıǵa 1500 kıik tartý etedi

ASTANA. KAZINFORM – Prezıdent Qasym-Jomart Toqaev Qytaı úkimetine 1,5 myń kıik beriletinin málimdedi. Bul týraly Aqordanyń baspasóz qyzmeti habarlady. 

— Qazaqstan Prezıdenti Qasym-Jomart Toqaev Qytaı úkimetine 1,5 myń kıik berý týraly sheshim qabyldaǵanyn málimdedi. Qytaıdyń batys bóliginde jersindiriletin aqbókender kórshi eldegi osy janýardyń popýlıatsııasyn qalpyna keltirýge septigin tıgizbek, − dep jazylǵan habarlamada.

QHR tóraǵasy Sı Tszınpın bul sheshim úshin Qasym-Jomart Toqaevqa alǵysyn bildirdi, sebebi Qytaı kıik popýlıatsııasyn qaıta qalpyna keltirýdi josparlap otyr.

Qazaqstannyń Ekologııa jáne tabıǵı resýrstar mınıstrligi búgin osyndaı tapsyrma túskenin jáne máseleni pysyqtap jatqanyn jetkizdi. 

Aıta ketelik kıik sanyn retteý is-sharalary kúzde bastalýy múmkin ekeni týraly jazǵan edik. 

Kıik sanyn retteýge, aýlaýǵa qatysty ǵalymdardyń bıologııalyq negizdemesi áli daıyn emes. Dál osy qujatqa, sáıkes, kıiktiń belgili bir sanyn aýlaý máselesi kóteriledi.

Sondaı-aq, ańshylarǵa tek analyq kıikti atýǵa ruqsat bekitilýi múmkin. 

Al Batys Qazaqstanda sýǵa batqan 560-tan astam kıiktiń óleksesi joıyldy.